Io non vole dicer te

Que isto, que illo,

A jammais, pro semper:

Tu sapera comprender.

Tu sapera comprender,

Lo que io vole dicer

Le fin e le initio,

Le pavor que stringe le ventre.

Le pavor que stringe le ventre,

Le gorga que es sic,

Le voce que es mute,

E le reguardo que fugi.

E le reguardo que fugi,

Per timor de tanger

Per timor de rader

Per timor de guastar.

Per timor de guastar

E vider vacillar

Vacillar e extinguer se

Un foco de beltate.

Un foco de beltate

Ha accendite mi corde,

Forsan, probabilemente,

Sed pote io esser certe?

Si, pote io esser certe

Que tu reguardo fluente

Desira sedar me

E que tu voce nacrate

Ha su reflexos pro me?